خليل الشبرمي الحائلي

[

color=indigo][center]خليل الشبرمي

شاعر المليون حائلي الأصل

أنا مفتونه بقصائده وحبيت انقلكم بعض منها

لايخفى عليكم هذا الشاعر ..
المبدع / المتألق / المتميز / والذي ..!!
أدهش الشعر ذاته ..

شعر عذب المعاني .. جزل .. استاذ في الشيلات ..
دخل مملكة الشعر من أوسع أبوابه ..
نقرأه ... تعجز الذائقه عن الامتلاء به ..
بشعره .. نسعد .. ونطلب المزيد ..

من أجمل ماكتب خليل ياسعد وش شاف >> امووتن به

ياسعد وش شاف مجنون ليلى بالغـرام
أشهد انـه وان بِلِـي بلوتـه ياهونهـا
ياسعد ليلاه وان مـات فيهـا مستهـام
تدري انـه بالهـوى ياسعـد مجنونهـا
المصيبه من غدى ميتٍ لـه كـم عـام
عشقته ماتـدري انـه قتيـل عيونهـا
قرهدت نفسه عليهـا ومـرّ الكبـد زام
ودوك قلبه ياسعـد مزّعتـه طعونهـا
ياسعد والله يالولا الحيا واخشى المـلام
والقرابـه والحيـا والهـوى وجفونهـا
لاانهبه وانحاش واجلى جنوب ديار يـام
ما يردن لو وقف جيش هتلـر دونهـا
ياسعد راع الهوى بالهوى لاضيم شـام
مايـرده طـول بيبانهـا وحصونهـا
وان غوى راع الهوى في هواها مايلام
لااجتمع غبن الزمن ياسعـد وغبونهـا
ياسعد هي منوة اللـي تمنـى والمـرام
لعن ابو حظٍ قصر ياسعد مـن دونهـا
أسمع الرعـاد واخيـل بـراق الغمـام
بس مادري ياسعد وين وبـل مزونهـا
وياسعد والله فلا اسلى هواهـا لاحـرام
لو يلوح الشيب فـي لحيتـي وقرونهـا
وخذ وصاتي ياسعد وصلّه بنت الحشـام
ذي وصاتي كان غيري غدى مظنونهـا
لا شرت ثوب الفرح تشتري لي باع خام
يدفنونـي ليلـة العـرس ويزفونـهـا

وله ..

وا وجودي كل ماشفت زوله مـن بعيـد
وجد مَن مِن زود مابه غبن عاف الحياة
ووجد من صلى على امه وابوه بيوم عيد
يوم صلى العيد مـد الجنايـز للصـلاة
ووجد عـودٍ قيّـدوه العساكـر بالحديـد
ذابحٍ له نفس من دون عرضه والبنـات
واصغر القصّر بلغ ما عفا راسه عنيـد
أقشرٍ لاجاه جاه العـرب قـال الصفـاة
ووجد مجدور العرب بالخلا خلي وحيـد
بعنّته مـا حولـه الا الذيابـه عاويـات
ووجد رجْل اعمال عقب المعزه والرصيد
فلّس وحلـت عليـه العطيـه والزكـاة
أتوجّـد وادري ان التـوجّـد مايفـيـد
وجد مَن مانال شفه ولا حصـل نجـاة

ويقول ...

قلت : حق ... وقـال :: لابالله زيـف
قلـت : عنـدي مايـبـرر موقـفـي
قال :: كيف ؟ وقلت انا له :: كيف كيف
بعـد ذا المـده تقـول انــك وفــي
زل صيف وزل صيـف وزل صيـف
مـن ثـلاث سنيـن وينـك مختـفـي
رحت أدور عنك مـن بيـش لطريـف
ودجت نجـد مـن الهفـوف ليـا نفـي
كنت طيف وجيت طيف ورحت طيـف
والامـل لا طـال شمـعـه ينطـفـي
قال احبـك قلـت حبـك حـب حيـف
مااقبلـه لـو كـان حسنـك يوسـفـي
مامعـي للحـرب لاحربـه وسـيـف
مـن غرابـيـل الليـالـي مكتـفـي
وعطر باريسي وساعـة مـن جنيـف
ماتـفـيـد ولا تـغـيـر مـوقـفـي

تحياتي لكم [/color]